هم ابتدو الابديت امتى!!!

مش لم ايكون حد اشترى اصلا !!!!!!!!!1
دا الناس خايفة تقرب عليه من الي بيسمعو..الناس عمال يشترو فيت و ميني ب 1200 و 1400
الجهاز دا انتهى ومفيش مجال ترجع ثقة الناس بيه حتى لو ممالوش حاجة

مش متأكد من الكلام...لاني كواحد مش مجرب الجهاز شخصي حقيس الموضوع بشكل نسبي..يعني عدد الشكاوي.
ولو كتبت عالنت عن اي جهاز نوع مشكلة حيطلعلك نتائج كتيرة (فالاندرويد بس) و الحقيقة ان اغلب المشاكل هي عيوب سوفتوير و دا السبب الي بخلينا نلاقي مشاكل كتير لكل جهاز..
ولكل واحد مهتم بالجهاز دا و شايف سمكو زيادة بنصحو يروح يبص عليه بالواقع...الشكل جميل جدا و المواصفات جبارة بالنسبة للسعر و السماكة بتاعتو بالواقع مش زي مبتبان بالصور.

انا ما كنتش بدور على مشاكله انا وعلى موقع gsmarena بشوف اراء المستخدمين للجهاز لاقيت اكتر من 50 واحد كاتبين على المشكلة اللى كنت كاتبها دى ودخلت على صفحه على الفيس بوك للموبايل دة قالولى ما تشترهوش مع انى كنت مقتنع بيه اوى وقاللوى اشترى لايف وذ وكمان احسن منه وزياده على سعره حاجات بسيطه بس حترحم نفسك من المشاكل

انا وصلت صفحة 13 من اراء المستخدمين دلوقت ومش لاقي ناس بتشتكي كتير..والي بقول انها كويسة اكتر من الي بيشتكي
كمعدل لشكاوي التاس فالنسبة شايفها طبيعية جدا لجهاز اندرويد.
مش بقول ان اكيد مفيش مشاكل..جايز يكون في ..بس لاي واحد كان بيستخدم جهاز عادي و جاب اي جهاز تتش وشاشة كبيرة و خصوصا اندرويد طبيعي اول حاجة يحسها ان البطارية ضعيفة..عادي اول مبنشتري الجهاز اول كام يوم الواحد مبيعتقش الجهاز..و ناس بترفعلك نور الشاشة للاخر وناس مش عرفة الواي فاي شغال 24 ساعة و بيشتكو!!!
وانت فانهاية افضل استطلع كدا ولو لقيت ان الوضع مش مطمئن فبلاش منو..بس حاول احسبها بشكل نسبي لان الناس بتميل لتذكر السيئات اكتر من الحسنات لم يلجئو للنت و عايزين مساعدة..
وشوف وجرب..اكتب عانت اي نوع جهاز من الاجهزة الغالية و المصنفة احسن اجهزة و الزق جمبو اسم مشكلة وشوف قد ايه حتطلعلك مشاكل.
حاجة محيرة مش حكدب عليك.

عندك حق بس هى دى المشكله اللى انا قلقان منها واللى شوفتها مع اكتر من واحد
http://www.youtube.com/watch?v=J6LEKZx1SEs&fb_source=message

انا سمعت عن مشكلة السخونة الجامدة دى من واحد قريبى على العموم لو تقدر تجيب Live with Walkman جيبه.

اه يا احمد انا بقول كدة بردوا عشان مشكلة السخونه دى حصلت كتير اوى مع الناس

100% من اجهزة الاندرويد الشركات بيحذرو المستخدمين من شحن الجهاز و استعمالو فنفس الوقت..في ناس ربنا بيسترها معاهم و في ناس و اجهزة بتتبهدل..هو الجالاكسي اس 2 شاشتو بتبوظ من ايه..
السوني راي مبيشغلش اي حاجة وهو بيشحن غير المكالمات(المستلمة بس و الصادرة لأ)
دي عملوها من غباء الناس..فاكرين الاندرويد psp وشغالين لعب و بيشحنو بنفس الوقت.ولم ايبوظ يروح التوكيل يكدب و ايقول باظ لوحدو.

كويسة المعلومه دى يا jimmy83 اول مرة اعرفها بجد بس لية ما حصلتش مع اجهزة تانية زى live with walkman او المينى برو انا لسة حاسس بردوا ان فى مشكلة فيه وخصوصا ان واحد اعرفه بيقولى انى بمجرد انى العب عليه شوية التليفون بيعمل كدة

انا والله مش بنفي ان جايز يكون في مشكلة..عمال احاول و احسبها من بعيد ولسة مصر بشدة ان نسبة الناس الي بتشتكي اقل من الي بتمدح..
ومش بدافع برضو بس في مشاكل في الاندرويد بتحصل كتير و ليها علاقة اوي بنفس النظام و انو لا يخلو اي جهاز اندرويد مهما كان تمنو من غلطات و مشاكل سوفتوير بتزيد كل لما ننزل برامج كتير وانشيلها و هكذا و عشان كدا في مليون تحديث لدرجة ان الواحد مش ملاحق...فلازم نكون مجهزين نفسنا اننا لو اخترنا اندرويد طبيعي حنواجه مشاكل بتختلف نسبتها حسب وعي و شطارة الي بيستعمل الجهاز..
انا نفسي بنتقد الجالاكسي اس 2 مع ان عندي نسبة اقتناع ان الاستخدام هو الي جايبلو المشاكل دي..
وانتا لو عندك مصدر موثوق جرب الجهاز و استعملو صح و شكالك منو يبق عندك حق تقلق..انا صاحبي معا الميني برو و مبيشتكيش من حاجة بقالو قريب ال3 شهور وانا معايا الراي بقالو فترة و ما شاء الله منغير حسد مش لاقي في عيب واحد.
لو ترجع لدفتر تعليمات اي جهاز حتلاقي في قسم التحذيرات مكتوب انك متستعملش الجهاز و هو عالشحن و حتى يفضل انك متستقبلش مكالمات... و انك لم تكون تلعب على الجهاز و البطارية فضيت لازم تسيب الجهاز يبرد شوية قبل ما تلزقو بالشاحن غير كدا تحذيرات انك متشيلش الجهاز فجيبك بالصيف عشان الرطوبة..دا في تحذيرات من انك متخرجش من جو ساخن لبارد بسرعة او بالعكس عشان الشبورة الي بتحصل (لو انتا من الى لابسين نظارات طبية حتعرف بتكلم على ايه) و حاجات كتير زي كدا و اسال الناس حيقولولك ...نعم!!!
مش مقتنع ان الشركات الكبيرة دي ممكن يكون عندها غلطات كبيرة زي دي و مقتنع ان اي جهاز يتعامل بالطريقة الصح مش حيحصل غير الحاجات الطبيعية الي هي خدوش مع الوقت او تحتاج تغير بطارية كل سنة مش اكتر.
(((في كلام الراجل صاحب الفيديو الي كاتبو تحت الفيديو ان المشكلة دي بتحصل (بسسسس) و الجهاز على الشاحن)))) وهو المفروض ميستعملش الجهاز فالوقت دا

المينى برو ما حدش اشتكى منه خالص المشاكل كلها على المينى واللى مخلينى متاكد ان فى مشاكل ان الصفحه دى على الفيس http://www.facebook.com/pages/Sony-Ericsson-Xperia-Mini/200111966692033 الناس كلها عندها نفس المشكلة ومهما عملوا بتبفضل موجوده

والله النسبة دي عادية
من 116 تعليق...3 اشتكو و 5 او 6 بيسألو ان هل صحيح المشكلة دي موجودة
و الباقي كلهم سعيدين بالجهاز و في 2 اشتكو من الواي فاي و زيهم من البطارية
انت لو فضلت متخوف و النسب دي كدا.. شيل الاندرويد من دماغك
الجهاز دا لان سعرو ممتاز جدا لمواصفاتو فمبيعاتو عالية اوي بينما الlive و mini pro و ray مبيعاتهم لسة مش قد كدا و مع الوقت اتحداك لو مسمعتش شكاوي عنهم...النسبة دي من المشاكل مسلم بيها بالاندرويد و عند كل الشركات..دا الاس2 و النيكسوس الناس طالعة عينها برضو!
لم تشوف الناس بيقولو calibration fix دا معنا اعادة ضبط المصنع بس بطريقة زي ما تقول ازالة السوفت القديم نهائي مع تعريفات القطع بعدين اعادة تعريفها و تنزيل سوفتوير جديد..و دي عمال تحل مشكلة الناس الي حصلت معاها المشكلة دي..(دليل ان المشكلة سببها لعب بالسوفت)
كون متأكد لو انتا من النوع الي مش كل ساعة عامل روت و مش بتلعب بالسوفت بتاع الجهاز مفيش مشاكل...لو خليتك على الابديت الرسمي من البرنامج الاصلي للجهاز مش حتحصل مشاكل..و من غير اساءة استعمال...امال بيقولولك لو عملت روت الكفالة باظت ليه..وكل التنبيهات والناس بتتجاوز وبتشتكي..
و بالنهاية انا حاسك مش مطمن للجهاز و مع كدا عايزو و مش عارف اقلك ايه..يا ريت الجهاز معايا كنت جبتهولك تجربو بس للاسف.و المشكلة ان مفيش جهاز بمواصفاتو وبالسعر دا..بس لو فضلت متخوف كدا فبلاش منو..زود شوية فوقي و هاتلك لايف او بالمرة سيبك من السوني و هاتلك ايس..بس خليك مجهز نفسك انك لو لعبت بحاجة بالسوفت انتا مش فاهمها صح او اسئت الاستعمال فانتا و حظك.

انت عندك حق نا قلقان من الموبايل ولايف وذ والكمان ما سمعتش عنه مشاكل ونفس الامكانايات تقريبا مع اختلاف بسيطه بس بالنسبة للاندرويد انا حابه جدا ومقتنع بيه بس ممكن اسالك على حاجة انا مش فاهمها يعنى اية اعمل روت للجهاز عشان اخويا معاه x8 واناسمعت كتير عن حاجة اسمها روت بس مش فاهم بتعمل اية فياريت لو حضرتك فاهمها تقولهالى

طبعا اندرويد جميل ولي حسانات كتير
الروت بشكل مبسط
هو انك تعمل اختراق للنظام و تقدر تعدل في حاجات(هي عملية سهلة من خلال برنامج بسيط)..اهم اسباب عمل الروت..لم تكون عندك ذاكرة داخلية صغيرة وانتا من النوع الي بيحب يجرب برامج كتير و محتاج ينزل برامج اكتر من سعة الذاكرة الداخلية بتقوم عامل روت عشان تقدر تنقل البرامج دي لكرت الذاكرة و تنزل البرامج الجديدة على كرت الذاكرةز
كمان سبب و هو ان في اجهزا انتهى دعم الشركة ليها(اتوقفت التحديثات للسوفتوير الي عندك) فبتقوم عامل روت عشان تقدر تنزل نسخ من السوفتوير احدث من الي عندك بس من مصادر غير الشركة المصنعة للجهاز.
كمان اسباب و دي الحاجات الاخطر و هي انك تعمل روت عشان تقدر ترفع سرعة معالج الجهاز او تقللو(عشان توفر بطارية)او انك تغير ضبط الشاشة عشان تشغل برامج الجهاز مكنش يقدر يشغلها..او تعمل روت لاجبار الجهاز على تشغيل العاب اعلى من مقدرة الجهاز.
يعني الخلاصة هي انك تخترق السوفتوير الاصلي للجهاز بقصد انك تجبر الجهاز لاستقبال برامج و العاب هو مينفعش يشغلها.
في اجهزة امكانياتها حلوة بس الشركات عشان عندها اجهزة جديدة عايزة تبيعها بتقوم واقفة دعم الاجهزة القديمة و هم كدا بجبرو الناس يلجأؤو للروت عشان تحديث نسخ الاندرويد(بالعربي كدا ياخدو حؤهم بايديهم)
في اجهزة امكانياتها متسمحش ببرامج تقيلة او نسخ اندرويد احدث و هنا بيكون الوضع خطر لم تعمل روت و تجبر الجهاز انو ايشغل برامج تقيلة عليه و تفوق مواصفاتو.
انا عمري ما عملت روت..مرات بتخطر فبالي كنوع من الفضول بس بعدين بقول خليني ماشي بالسليم لان اي غلطة جايز تبوظ الجهاز.(مش مستاهلة)
بخصوص الx8 معرفوش..شاشتو كويسة بس معالجو متوسط و رامات قليلة..اتوقع ممكن يلاقيلو نسخة جينجر بريد متعدلة مخصوص عشانو..((مش عايز افتي) يعني المعالج بيشغلها بس الرامات متوقعش ينفع تشغل جينجربريد.

شكرا جدا يا jimmy83 فهمتنى الروت كويس اوى طب لو عملت الروت دة وباظ منى اعمل اية كمان عشان ارجعه زى الاول ولا الموبايل كدة باظ ؟؟؟

لو جاوبتك حكون بفتي
للاسف مينفعش اقلك كلام انا مش متأكد من تأثيرو ايه..و تروح معتمد عليا و ايبوظ الجهاز تقوم مديني دعوة مظلوم واروح فيها.

بجد شكرا جدا يا jimmy83 انت فدتنى جدا فى الموضوع دة بس حاجة اخيرة جدا معلش هو انا لما اشترى موبايل سونى اريكسون لما ابيع حخسر فيه كتير اوى انا اصلى انبارح نزلت اشترى موبايل لايف ويز ولكمان بس واحد كلمنى وقالى استنى شوية وانى افكر فى اى موبايل تانى سامسونج مثلا عشان سونى اريكسون سوقه وحش وانى لو فى حاجه حصلت واضريت ابيعه مش حجيب فلوس كتير انت اية رايك انا مقتنع بيه جدا ومش لاقى موبايل تانى فى نفس امكانياته وفى السعر دة

هو السامسونج مرغوب اكتر من السوني يعني لو عايز تبيع جهاز مستعمل سواء سوني او سامسونج لمحل حيشبعك كلام و حتخسر كتير..
عندي خبرة كويسة معاهم..
لو خدتلو جهاز سامسونج حيقلك مهو مالي السوق و ملوش تحديث و قطع غيار غالية و حتخسر كتير.
لو خدتلو سوني حيقلك مش مرغوب قوي و مفيش منو بالسوق كتير و برضو حتخسر كتير.
في جميع الاحوال لم تروح تبيع لمحل حتخسر كتير
بس لم تعوز تبيعو لواحد معرفة بيكون اسهلك تبيع السامسونج من ما تبيع سوني لانو سمعتهم احسن..بس موضوع السعر دا واحد..حتخسر حتخسر و الاندرويد حاليا اقل اجهزة بتخسر..كل الي عندو جهاز نوكيا غالي دلوقت عمال يلطم لان جهازو مبيجبش نص التمن.
فانتا خلي فبالك انك تختار جهاز عاجبك و مواصفات عالية عشان يقعد معاك اطول فترة ولم تعوز تبيعو تكون استهلكتو عالاخر.

طب معلش انا ليا سؤالين ليك يا جيمي :
اي رايك في sony ericsson ray عشان عاوز اشتريه؟ وهل سيلكت مضمون اشتري منه دليفري ولا لا ؟
وشكرا :)

والله تحفة و مش لاقي في حاجة اشتكي منها و خصوصا اني بحب الاجهزة الصغيرة بمواصفات عالية.
شاشتو من ارقى الشاشات و تقارنها باحسن الاجهزة (منغير الحجم) و بتتفوق على اغلب الاجهزة..
كاميرا ممتازة احسن من كل الكاميرات ال5 ميجا و اقل من الكاميرات ال8 الي فالاجهزة الغالية بحاجات بسيطة جدا..
البطارية بتعتو عمرها طويل جدا و شكلو شيك لدرجة متميزة..
ولو انتا بتفضل الاحجام دي فهو منغير منافس افضل جهاز اندرويد من حجم 3.0 و لحد متوصل 3.5 .

سيليكت اكتر شركة فمصر عندهم ضمير و انا جايب الجهاز من عندهم بس مش ديلفري (كنت فسكندرية قبل راس السنة و لقيت عليه عرض و لم شفتو فالمحل اشتريتو و خلصت بسببو الفلوس الي كنت ماخدها عشان اقعدلي يومين هناك و خدت نفسي وروحت مصر)!!! والله دا الي حصل
الديلفري بتاعهم بيجيك عن طريق شركة ارامكس و بيوصلك الجهاز بالكرتونة مختومة و بتدفع الفلوس الاول بعدين تفتح الجهاز .. هم على موقع سيليكت كاتبين ان سعر التوصيل للقاهرة 25 جنيه بس ابن جيرانا جاب من عندهم اكسبيريا ميني برو و خادو منو 100 جنيه و احنا فالتجمع هنا فالقاهرة

متشكر ليك ومعلش تعبينك معانا :)

مفيش تعب و تحت امركو.

l se3r 5orafy f3ln !!!!