اعتقد هي اذواق مختلفة

انا شفت السيلفر ومش عجبني
والاسود كويس

انا ناويه اجيب الابيض حاسه انه شكله اشيك
وطبعا الامر يرجع لحضرتك

موبايل شوب محترمين و معاملتهم حلوة و هم من اكبر موزعين سوني اريكسون + نظام الضمان عندهم و عند راديو شاك و كمبو شوب نفس السياسة..انا مجرب راديو شاك و بياخدو الاجهزة منغير ما يسئلو حصل ازاي وليه و بيصلحوها و هم ساكتين.
وسعرهم للموبايل دا بالزات افضل سعر و ممكن مرة واحدة تغيري كارت الميموري بواحد 16 جيجا بالفلوس الي حتدفعيها تمن الجهاز فمكان تاني.
------------------------------
الموقع قلب على احمر

شكرا لحضرتك
بس هي راديو شاك وموبايل شوب زي رينج وراية في نوكيا كده ولا مختلفة

حسب انواع التحديثات..
التحديث الي جالك دا بتاع الشرق الاوسط و شمال افريقيا MENA (Middle East North Africa) region الي شبكاتهم من العصر الحجري و هو عبارة عن تصليح او bug fixes فاكيد مش حتشوفي حاجات اتغيرت.

نسيت اقول فى لمبه صغيره كانت برتقالى و اتحولت اخضر لما الشحن عدى النص و لسه منوره اخضر

الف مبروووووووووك عقبالي ان شاء الله لسه محتارة

لو قرات دليل المستخدم فاوله فقسم معلومات مهمة ولم توصل لشحن البطارية حتلاقيهم كاتبين ان دا طبيعي ..عندي لسة الدليل و موجودة صفحة 13.
--------------------
ستبدأ البطارية في تفريغ الشحن قليلا بعد شحنها بالكامل ثم تشحن مرة اخرى بعد فترة معينة عند توصيل شاحن الهاتف.ويعمل هذا على زيادة عمر البطارية كما قد يؤدي الي عرض مستوى شحن اقل من 100 بالمائة في حالة الشحن.
------------------
برضو اقرأ صفحة 28 عن البطارية

انا حاليا نزلتله حاجات من الماركت و عرفت الواى فاى و شغال تمام اوى و لما بشحن بدخل الاعدادات و بشوف الحاله بلاقيها 100 % فبطمن انه شحن و كمان حدثتله السوفتوير من البرنامج بتاعه و جربت الكاميرا و التصوير و كله المفروض لحد دلوقتى تمام و على فكره انا لما جبته طلبت انه يكون متقفل مش مفتوح و فعلا جه بالغلاف بتاعه و اتفتح قدامى و طبعا بتقابلنى بعض الصعوبات لان ده اول جهاز تاتش و اندرويد ليا فبتعلم لسه بس فى نفس الوقت برضه الموضوع مش صعب اوى بس هى علشان فى الاول لكن الجهاز جميل بس بدور ليه على بروتيكتور علشان الشاشه هى دى اللى اللى قلقان منها لانى مالقيتش لسه

ههههههههههههه
تصدقى انا مره كان مدينى 100 فى المية واول ما شلت الفيشة واحد غلس رن عليا خلاه 99 حطيته فى البلاك ليست عشان ميرنش تانى لانى ما صدقت وصل لمية فى المية

ابقى اتاكدى انك قاله اتصال الانترنت عشان بيسحب جامد اللى هوا الخاص بالموبايل انترنت الخاصة بالخط

البطارية لسة مبقتش 100% ولازمها 15او 20 مرة تفصل شحن و تشحنيها 100% لبين متوصل للاداء الطبيعي بتاعها.(استعمال الفترة الاولى ضروري يكون كدا لتحافظي على صحة البطارية)
....وانا شايف تحسن بين شرحك عن استهلاك البطارية بين امبارح (12 ساعة=100%) و بين (5 ساعات=16%) ولسة شوية شوية حتتحسن كمان.

يعني هي البطارية بتيجي بايظة وبعدين تتحسن ؟!

انا معايا نوكيا بيشحن بالكتير ساعة وبيفضل يومين....

انا كده هابتدي اقلق من الموبايل ده :(

جيمي طب في حاجه دلوقتي انا ساعات بتبقي للبطاريه فيها شوية ومش عاوز اشحنها بس ببقي عاوز استخدمه وصلة الكمبيوتر مفيش طريقه الغي بيها الشحن لما يبقي متوصل للكمبيوتر

zahraa24
هي فالواقع ملهاش دعوة بالبطارية خالص و الموضوع فالجهاز..
عشان ذاكرة الموبايل نفسها تحفظ المعايير بتاعة البطارية..في حاجة اسمها power gauge digital memory ودي في حالة الجهاز جديد لازم تحفظ قد ايه كمية الطاقة الي عندها من0.1 الي 100% و دي مبتحصلش غير فالاجهزة الجديدة ولازمها قراءة البطارية من 15 الى 20 مرة مع استعمال شامل لمحتويات الجهاز ليقدر الجهاز يتعرف على استهلاكو للبطارية و ليحصل حساب دقيق لمؤشر البطارية وقد ايه الشحنة الي باقية فيها.
يعني البطارية ملهاش زنب و الحق على الاجهزة(ودا الكلام لكل الاجهزة الي بتستعمل انواع البطارية دي مش السوني بس او الجهاز دا بس)
--------------------------------------------------------------------
waelgam2005
صديقي... برضو انتا وزي ما فهت الجهاز بقالو معاك فترة يعني عديت المرحلة دي وهنا الوضع يختلف خالص ليك..
انتا مش المفروض تسيب البطارية تخلص للاخر لان الجهاز حفظ المعايير بتاعة البطارية..ومش لازم تسيب البطارية تخلص خالص غير في حالة انك عمال تشوف قراءة غير منتظمة..يعني مثلا لو الجهاز شايفو 80% و سبتو منغير استعمال دقيقة ورجعت لقيتو قالل او زايد بفرق كبير..فبتقوم سايب البطارية تخلص للاخر و شاحنها تاني فل مرة او مرتين او تلاتة بالكتير لتعمل اعادة تعيير لمؤشر البطارية.
كمان ودي واقع..البطاريات دي ليها عدد مرات معينة بانها تستحمل انها تفضى شحن خالص وينفع تتشحن من جديد.. حسب النوع والخامات (الي هي السبب بين بطارية لجهاز معين ب 80 جنيه و بطارية جهاز تاني ب 300 او 400 جنيه)ومن المفضل نسيب المرات دي لظروف طارئة او حاجة غصبة عننا.وعشان كد يفضل استخدام موفر الطاقة و ضبطو عند حدود 30%.
واخيرا جواب على سؤالك الحقيقة مش عارف هل يمكن ول لا..حدور و اتاكد.

ماشى يا وائل بتتريق ههههههههههههه وشكرا يا جيمى بجد الكلام اللى بتقوله صح واهو بقالى يمين شحناه ولسه مخلصش بس ما استقبلتش عليه اى مكالمات لانى كنت بظبط عليه البيانات لانى مكنش فاضية الاسبوع اللى فات ليه خالص بس لعبت عليه ربع ساعة وهغير الخط واستخدمه الاستخدام العادى واقولكم ايه الاخبار

حضرتك اقرى التعليقات بتاعة الاعضاء تحت وانتى هتلاقى اجابة لسؤالك بس انا لحد دلوقتى الموبايل معايا زى الفل الحمد لله

شفته من يومين في موبايل شوب وسعره كان 2030 بالظبط

مع انى مع مش فكرة انك تشترى حاجه وتشوفيها لما تيجى تبعيها هتجيب ثمن ولا لاء بس هيا وجهة نظر بس انا مع الاساس اللى هوا التليفون نفسه هينفعنى ولا لاء وعلى كلا انا شوفت فى ناس بتشكر فى موتورلا ديفى بلس وبتقول عليه انا بيستحمل البهدله وضد المية معرفش برضه الكلام ده صح ولا لاء وثمنه ب 2000 جنيه والمواصفات والشكل اللينك اهو
http://www.mob4me.com/موتورولا/DEFY.htm
والبروسسور 1Ghz لو هتجيبى البلس الديفى سرعته زى اللى فى اللينك
وفى موبايل تانى انا شايفه كويس سامسونج ويف 3 شاشة 4 بوصة وبروسسور اقوى 1.4 Ghz والبطارية اقوى من الاكسبريا النيو هوا عيبه زى ما الناس بتقول انه شاشته مش ضد الخدش وهتبقى عاوزة باستمرار تجبيله لصقة حماية بس ده مش اندرويد ده نظام اسمه bada
اللينك اهو
http://www.mob4me.com/سامسونج/S8600_Wave_3.htm

معلش برضه السعر اللى مكتوب بالنسبة لسامسونج انه ب 2250 مش عارف ده بالضمان ولا من غير ممكن لو حد يعرف سعره بالضمان كام يبقى يقول فى رد

صديقي وائل انت عكست الشاشة بتاعة الw مع الويف 3 بموضوع الحماية
والويف 3 2250 منغير ضمان(ضمان سيليكت 14 يوم) وفي تعليق ان الجهاز بضمان عند الوكيل(يونيون جروب) و بموبايل شوب ب 2450 بس مش متأكد
و لم ممكن اضيف حاجة فحكاية اسعار بيع المستعمل..
اهم حاجة فترة الاستعمال و حالة الجهاز..و كل الاجهزة دي بتخسر جامد و كمثال بسيط سوق المستعمل الي عندنا بالموقع هنا..مفيش حاجة بتحافظ على سعرها الا فحالات البيع الي بين المعارف و الاصدقاء لان مفيش نية متاجرة(صحاب المحلات مش مستعدين يربحو فجهاز 50 و 100 جنيه..يعني مش حيدفع فجهاز 2000 جنيه وايجمد فلوسو اسبوعين ولا شهر وفالاخر يربح 50 جني!!)
كل ما زاد تمن الجهاز بتزيد الخسارة فحالة البيع الا فحالات غريبة زي اسعار الايفون 4 الي لسة قريبة من سعرو جديد.
هاتي مثلا جالاكسي نيكسوس و افتحي العلبة فالمحل و اعملي اتصال واحد بالجهاز وقولي لصاحب المحل مش عايزاة حيقلك ماشي..هاتي الجهاز وخدي 4500 وهو انتي شاريا ب 5000

ولو 2000 يبق دا انسب جهاز مش بس بالسوني..بكل الانواع
لو 2100 السامسونج جالاكسي w (فحالة مفيش مانع ان الشاشة سهل تتخدش)ولو في مانع يبق السوني برضو احسن جهاز بالسعر دا من كل الشركات.

جزاكم الله خيرا جميعا
انا مازلت ابحث في كل الموبايلات لأختار المناسب
وخصوصا ان معظم استخدامي للموبايل هو تصفح الانترنت
وليس الكلام وليس الالعاب
وعشان كده كل شويه اكتشف حاجة احسن

لبين محد من الي معاهم الجهاز يرد عليك...
لو دا تصويرو يعتبر سيىء فالاجهزة زي اس 2 و ايفون 4s واكسبيريا ارك s تعتبر شبه سيئة..
لو حتقارن كمرة اتخن موبايل بكاميرة ديجيتال عادية عمرها 3 سنين بنفس الميجا بكسل فاكيد حتحس ان كاميرة الموبايل وحشة ولاسباب كتير اهمها حجم العدسات و عدد الفلاتر و كتير حاجات مينفعش تتزق جو جهاز موبايل منغير مسمكو يزيد بالضعف او ان العدسة تخرج من الجهاز زي ما ابتعمل بالكاميرات الحديثة الي سمكها قليل.
ودا من احسن الكاميرات ال 5 ميجا على جهاز موبايل..مش عايز اقول الاحسن لان في ناس بتفضل الوان السامسونج على تفاصيل السوني.

انصحك بيه وشاشته ممتازة وسريع على النت والواير ليس بتاعه ممتاز اما من حيث فرق الاندرويد عن السبمييان فا انا شارى الموبايل ده مخصوص عشان اجرب الاندرويد ومينفعش اقولك فروق انتى لازم تجربى بنفسك لانه فرق السما والارض ده غير جرافيك الجهاز ده فى الالعاب اكنك عندك كمبيوتر وبتلعبى عليه العاب بجرافيك عالى
اما بخصوص لو عاوزة شاشة اكبر فا ده اكبر حاجه بالسعر ده والمميزات دى فى اللى بعد كدا الارك بس ده غالى على الميزانيه بتاعتك ومنصحكيش بالاكسبريا X10 ملقتش حد بيشكر فيه خصوصا انه ب 2500 وشاشته اكبر شوية 4 بوصه بس الوان الشاشه 65000 الف لون بس
اتكلى على الله وفكرى فى ده احسنلك

جزاكم الله خيرا علي الاهتمام

بما ان حضرتك معاك سوني اريكسون
فهل الشركة بتاعته كويسه؟ وهو صناعته ايه؟
لأني طول عمري بتعامل مع نوكيا
وفي نفس الوقت خايفة اجرب ماركة تانية..
فهل حضرتك تقدر تفيدني؟

اه طبعا سونى اريكسون شركة كويسة والصناعة طبعا صينى ومش هتلاقى غير صينى عشان منطقة الشرق الاوسط مش بينزلها غير الصينى وبس حتى لو نوكيا او سامسونج وبقيت الماركات
وانا بصراحة اول مرة برضه اغير واجرب السونى اريكسون فا عشان كدا مش هقدر افيدك فى حته انك متقلقيش او تبقى مطمنه فا ده انا هسيبها لاى حد خبير سونى اريكسون