احصائيات الموقع |
 2013-06-12 (03:21:26AM)aboahmed
بصراحة أنا حاسس إن المواقع اللي زي دي بتبقى دافعة لواحد عشان يدافع عن نوعية معينة من الموبايلات ، يعني مثلا الويندر تلاقي شخص هنا بعينه شغال دفاع عن النوع دا . وأنا عن نفسي وعن تجربة والله جربت الويندر وبعتها بسبب تقلها الشديد ، ومش بس كده أنا بعتها لشخص محترم ... اتصلت بيه بعدها بفترة أسأله عن الهاتف فقال لي إنه باعه ، فسألته عن السبب قالي إنه باعه عشان لاقه تقيلة أوي ... دا رأيي اللي ممكن أكون مخطئ فيه ... وأترك لكم الحكم في النهاية ....
  
2013-06-13 (01:27:44AM)A7medSabry
معلومة انا جبت الجهاز ده من 4 شهور الصراحة موبايل جامد ومش تقيل ولا حاجة هو هنج معايا مرتين بس الحمد لله
2013-06-13 (08:11:31PM)aboahmed
معلومة : أنا جبت الجهاز دا وقعد معايا 3 شهور وبعته بخسارة كبيرة . راماته 512 بتصفصف على 350 ميجا . وعشان أبقى منصف الجهاز صوته حلو وصورته ملهاش حل ، بس يا خسارة في راماته القليلة أوي !!!!!!!!
2013-06-15 (02:20:19AM)CroCoSoft
انت عارف يا ابو احمد ،،
ان لا خير في كاتم علم ،، ولو كان الوضع زي ما انت بتقول ،، كنت لقيت حرب شنعاء ضدك بسبب الناس اللي بيدفعلها فلوس ،، لكن لو لقيت ناس بتعمل الخير وترمية البحر زي ناس كتير غيري ،، اكيد اكيد هتسيب الصفحة هنا وتخلي معلوماتها لنفسها ،، لو كانت دي كلمة الشكر اللي الواحد بياخدها من مساعدة الناس ،، علي العموم اتمني انك تلاقي الموبيل اللي ترتاحله ،، وربنا يعوض عليك في الخسارة ،، واحب اقولك ان الاستخدام الجيد له دور كبير في تقبل المحمول اللي معاك ،، ولو اللي يستخدمة قليل الخبرة اكيد هيطلع العبر فيه ويبيعة ويخسر فيه ،، لكن عمرك ما فكرت انك تحدثة او تنزله حاجات تسرعه زيه زي الكمبيوتر ،، في امان الله ،، اخوك احمد 
2013-06-15 (02:34:08AM)aboahmed
أ/أحمد .... أحرجتني بردك الجميل ،،،، ولو سمحت يا أبو حميد تسامحني ... فقد أسأت الأدب معك .
2013-06-15 (10:34:57PM)eslamaly
dh 2y klam 3lshan ana lsa gayb al mob dh mn 3 weeks we zy al foollll
2013-06-16 (12:45:58AM)CroCoSoft
انا لما رديت عليك يا غالي مكنتش واخد الكلام علي نفسي
لكن بعد ردك دة وكلامك انك اسأت الادب ليا فيبدو ان الكلام كان موجه ليا ^_^ بس احب اقولك اني مسامحك وربنا يسامحك لو كان في نيتك اي اسأه ليا خلي قلبك كبير ولو كنت انا اتأخرت عن مساعدتك ياريت تسامحني في امان الله ،، 2013-06-11 (11:24:13PM)medoyasser
انا اشتريت الموبايل ده..وبالمناسبة عايز اشكر كل من ساعدنى ونصحنى بشراء هذا الموبايل وخصوصا الاستاذ smsmsir لانه اول واحد عرفنى على الموبايل ده..كمان عايز اشكر ادارة هذا الموقع المفيد جدا لان لولاه ماكنتش هعرف اشترى الموبايل المناسب..شكرا
 2013-06-11 (02:08:36PM)YYNN1
انا معايا وندر لسه جايبه من شهر بالظبط وبيسخن بشكل غريب اوى والبطاريه مش بتكمل 4 ساعات يعنى لازم يتشحن 3 مرات فى اليوم وديته الضمان قالولى حيتفتح وكمان 4 ايام اتصل اشوفه خلص ولا لا والرقم اللى عاطهولى غير موجود بالخدمه .. محدش يعرف رقم ضمان يونيون ايه؟ ولو رجع وفضل بنفس اسلوب اغيره بقى ولا اعمل ايه؟؟؟
2013-06-15 (02:27:01AM)CroCoSoft
للأسف معرفش نمرة التليفون ،، لو وديتة سألت المكان اللي انت شارية منه هيدلك علي التليفون العنوان .
ولو رجع زي ما هو غيره طبعاً اكيد عيب مصنع ،، ولكن ممكن يكون عيب استخدام لأنك ممكن تكون مموتة شغل واي فاي علي نتورك داتا علي بلوتوث علي جيمز علي فيديو لو بتعمل الحاجات دي كلها الموبيل اكيد هيسخن ومش هكمل الاربع ساعات دول ،، 2013-06-10 (01:05:57PM)flyingbrain
انا معايا الوندر لما بشغل علية لعبة dark avenger هى شغالة عادى بس بعد كام ليفل بقى الجهاز يسخن و بعدين بيهنج يقف خالص وميستجيبس لما بشغل افلام او اى لعبة بس ميكونش الجرافيك فيها عالى مبيسخنش ومبيبقاش فى تقطيع ولا حاجة ودورت على اليوتيوب لقيت العاب كتير شغالة من غير تهنيج ولا حاجة على الوندر بس غالبية الاجهزة معملوها روت فهل حد من اللى معاه الوندر حصلت معاة المشاكل دى وهل لو نزلت ics sandwish او jellybean المطبوخ هيبقى الجهاز افضل ولا نفس المشاكل هتبقى موجودة لو حد جرب الرومات دى ياريت يقولى اية النظام
2013-06-10 (09:40:29PM)CroCoSoft
سؤالك فيه كذا نقطة ،،
الاولي وهي التهنيج والسخونة ،، مع الجو الحر اللي احنا فيه والتهوية وكده اي حاجة مع الشغل الكتير بتسخن وممكن تهنج الانسان نفسة كدا ،، فدة شيئ طبيعي في الالكترونيات ،، متقلقش. الثانية وهي قصة الرووم والرووت والحاجات دي ،، الرووم هو نظام تشغيل للجلاكسي ومنه ثلاثة اصدارات وهم جنجر بيرد ( ودة الرسمي للوندر ) والايس كريم سندويتش والجيلي بين ( لا الايس ولا الجيلي نازلين للوندر ومش هينزلولوا ) ،، الجنجر الرسمي افضل من كافة النواحة الا حاجة واحدة انه بيتقل بعد فترة من عمل الهاتف ويجب له ريستارت لتنشيطة ، والجيلي والايس كويسين برضة بس مش بجودة الرسمي ^_^ ،، اما الرووت ( فرق بين اخر حرف م ولا ت -- رووم & رووت ) هو عبارة عن اعطاء صلاحيات مطلقة لمستخدم الهاتف مما يجعله يستطيع تكبير مساحة التخزين الداخلية وبالتالي وفر اكبر في الرام المستخدم لتشغيل البرامج ، سرعة اكبر ولكن يمكن حدوث خسائر للهاتف نفسة ولو حصل كده جهازك برا الضمان لو معرفتش ترجع الموبيل لحالة ما قبل الرووت ،، اتمني يكون كلامي واضح وصريح ^_^
2013-06-12 (04:29:10PM)flyingbrain
شكرا استاذ CroCoSoft
2013-06-03 (01:57:40AM)mohamed186
يا جماعة لو سمحتو فى حد جرب يحدث الوندر لأيس كريم او جلى بين
بيبقى اسرع ولا ابطأ وهل البرامج والالعاب بتختلف ولا هى هى حد يرد ضرورى لو سمحتو عشان انا خايف احدثه على الفاضى 
2013-06-03 (10:49:20PM)CroCoSoft
ملوش تحديث رسمي من سامسونج يا غالي
لو عايز تعمل ابجريد لنسخة ايس كريم سندويتش او للجيلي بين لازم تنزل روم مكرك او مطبوخ يعني مضروب من الاخر ومتعدل من نسخة سامسونج الاصلية لأي موبيل له نفس امكانيات الوندر بس الصراحة الحق يتقال انا عملت كده للموبيل بتاعي الايس كريم وتحفة خفيف وسريع ورائع بجد وكمان كل حاجة شغاله عليه بس اهم حاجة الخطوات اي خطأ ولو بسيط ممكن يكلفك الموبيل كله لو احتجت حاجة ضيفني ،،  2013-06-01 (01:44:10PM)sayko
هى الذاكره الداخليه للموبيل ده كام ؟
و عايز اعرف الموبيل ده احسن من Samsung Advance ولا ايه ؟
2013-06-01 (02:41:38PM)bido22
لا طبعا الادفانس احسن منه بكتير
2013-06-01 (09:43:48PM)CroCoSoft
تصحيح لمعلومة بيدو22
الوندر احسن للأسباب التالي : وبالنسبة للذاكرة الداخلية للوندر بالتفصيل : الرامات بعد الخوالص 352 ميجابيت الذاكرة المتاحة للبرامج 1.07 جيجابيت الذاكرة المتاحة الخارجية 1.70 جيجابيت بإجمالي 2.77 جيجابيت للموبيل كله
2013-06-07 (08:59:19PM)semsemSiR
ياباشا معلش بس هو حضرتك ازاى بتقول ان ال wonder افضل انا اول مرة اسمع كدة بصراحة والموقع اللى حضرتك جايبة دة موقع تعبان بيقارن بالارقام وبيرجع ينقضها تانى فى نقطة تانية
عموما :ردا على تفصيلك للموبايل ال wonder اليك تفصيل الادفانس 1- الرامات الصافى بتاعها : 555 فى الجينجر بريد و 629 ميجا فى الجيلى بين من اصل 768 ميجا 2- الذاكرة الداخلية الصافية 6 جيجا من اصل 8 جيجا متقسمين : * 2 جيجا برامج * 4 جيجا : تقدر تحط عليهم اى حاجة 3 - شاشة super amoled بحجم 4 inch شاشة فى منتهى الجمال روووووووووعة 4- كاميرا 5 ميجا بيكسل ممتازة واشد بكتييييير من ال wonder مع ان الوندر بردة 5 ميجا بس فرق العدسة لصالح الادفانس 5- بروسيسر : 1 جيجا dual core novathor u8500 ودة من اقوى البروسيسر اللى موجود 6- كارت شاشة : mali-400 طبعا اداءة معروف مش محتاج اقول حاجة عنة 7- بطارية اقوى بكتير من ال wonder ,وعن تجربة على فكرة 8- التليفون فية كل حاااااااااااجة انت محتاجها 9- كاميرا امامية بقوة 1.3 ميجا 10 - طبعا الدعم للتليفون دة واضج جدااا , نزل حاليا بنسخة ال 4.1.2 وهيتحدث كمان ل 4.2.2 كل دة نقاط تفوق لصالح الادفانس مافيش نقطة واحد يقدر يتفوق فيها الوندر على الادفانس ودة مايمنعش ان الوندر كويس بس كل حاجة وفية الاعلى منها  2013-05-28 (01:44:45PM)medocezar
لو سمحتوا انا بقالي مدة بدور على كوبيل حلو في حدود آخري 2000 ممكن تنصحوني
2013-05-29 (12:52:43PM)medocezar
طب هو شاشته ضد الخدش ولا لا
و ازاي اعرف ان الموبايل شاشتة ضد الخدش ولا لا ؟
2013-05-30 (01:40:48AM)Eslam2020
كله بيتحط ليه لزق حماية لا تقلق
 2013-05-27 (01:07:38AM)beeroo
لو سمحتو انا كنت محتاره بين ال s3 مينى وال s2 بلاس وفيه ناس قالتلى البلاس يكسب وناس قالتلى ال 3 يكسب واحسن من ناحيه انو مش بيهنج ومساحه الميمورى الداخلى افضل لانه بتصفى على 4.5 تقريبااا
عايزه اعرف انهى افضل من ناحيه الشاشه والكاميرا والتهنيج وسرعه ونت لو سمحتو لان دى الصفحه الوحيده اللى نشطه فى الصفحات التانيه محدش بيرد 
2013-05-27 (01:20:48AM)Eslam2020
تفضلي :))
2013-05-27 (01:38:36AM)CroCoSoft
من غير ما تحتاجي لحد ،، الاس تو بلس أحسن والاسباب في اللينك اللي فوق |
دخول الأعضاء |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
تابعنا علي :
