هذا الموضوع مرتبط بـ Galaxy Note 3

تقرير نهائى عن النوت 3 وحل المشاكل اللى يعنى منها الناس

hardtime

2013-12-05 (01:59:40PM)

السلام عليكم

اسمحولى اليوم اتكلم عن وجهة نظرى المتواضعة والتى قد تحتمل الصواب او الخطا

بعض الناس معانا فى الصفحة واللى اشترى النوت 3 وبالاخص النسخة الثرى جى
بدا يشكوا من بعض العيوب (من وجهة نظروا طبعا)
وكانت العيوب كالتالى:-
1-بيسخن
2-بيهنج
3-الرمات ممتلاءة (معا عدم فتح اى من التطبيقات)

طيب اسمحولى ابدا افسر كل نقطة على حدا:-

1-موضوع السخونية مش عارف هل 36 او 38 درجة تجعلك انك تخاف وتقلق.
طبعا الموضوع مبالغ فية جدا لان دى درجة حرارة بسيطة جدا لدرجة حرارة موجودة فى موبيلات زى الاس 3 او الاس فور واحب اوضح لكل الناس ان السخونة دى ولا تخوفك ولا تقلق
تقلق مثلا لما تتعدى 50درجة تمام كدة

2-موضوع التهنيج
طبعا محصلشى اى تهنيج معا اى عضوا لحد النهاردة حتى معا الناس اللى اشتكت من مليان الرامات. وبقول لكل الناس ممكن يحصل ليك فى بعض الوقت وانتا شغال على للعبة معينة او ابلكشن معين ان الجهاز يرستر او يهنج طبعا دة مش عيب فى الفون وان العيب بيبقى فى نسخة البرنامج او اللعبة
ومجرد علم الشركة المنتجة للبرنامج دة او اللعبة بمعرفة هذا العيب تقوم بعمل تحديث وتنتهى المشكلة فورا

3-موضوع الرمات الممتلاءة
نيجى بقى لموضوع الرمات اللى شغل بال ناس كتير قوى وانا هقول اللى حصل
(انا لما ناس دخلت هنا على الصفحة واشتكت من موضوع الرامات حولت اشوف اية الحكاية دى لان انا معاى النسخة الفور جى ولما بعمل كلير للرمات بيوصل معاى .850/2.38
المهم كلمت احد الاعضاء وقمت معاة بكذا خطوة وكانت النتيجة كالاتى قبل الكيلر 2.24/2.66
بعد الكيلر وصلت .950/2.66
وانا شايف كدة كويس قوى
اتصل بى عضوا اخر واتبعت معاة نفس الخطوات وكانت النتيجة بردوا زى اللى فاتت
فى النهاية استنتجت بعض الاشياء ودة والله ما اهانة لاى عضوا فى الصفحة انتم كلكم اخواتى وفوق راسى
1-واحد اشترى النوت وطبعا دة اول استخدام لة للسمارت فون او اندرويد
ويقوم باستخدام النوت على انوا للاب او موبيل 1110
ولا يقوم بعمل كلير للرامات

2-واحد تانى يقوم بفتح كذا ابلكيشن وكذاللعبة فى نفس الوقت ومتخيل انوا لما يضغط على زرار الباك او العودة ان الابكشن او اللعبة اتقفلت ودة طبعا خطا جامد
ومن البرامج التى لابد من قفلها بعد الانتهاء منها
google chrome
play music
music
internet
لان الببرامج دى مشكلتها انها تعمل فى الخلفية بعد الخروج منها فلابد من عمل كلير للرامات حتى يتم قفلها نهائى وبالتالى لاتؤثر على استهلاك البطارية ولا على اداء الراما

اتمنى بعد اللى انا قولتوا حالا اكون وفقت فى توصيل معلومة بسيطة حتى يقوم الجميع بفهما
واتمنى شىء اخر اننا لا نبالغ فى المشاكل التى توجهنا لاننى مقتنع بشىء كتير مهم
ان اى مشكلة وليها حل

وفى النهاية اعتذر لكم جميعا
اذا كنت اتاخرت على اى عضوا فى حل مشكلة لدية

kasereinebles

2014-04-08 (01:15:42AM)

السلام عليكم. صحبي ارسلي صورتين وبعدعا خسيت ان الجهاز بقي تقيل حبه هل النوت 3 بيجيله فيروس؟ وهل في برنامج انتي فيروس كويس؟

reda8855

2014-04-07 (01:11:58PM)

بجد شكرا للاستاز هارد

SkyWarrior

2013-12-06 (12:52:06PM)

tamer2015
لا خالص ياغالي ده كان اخ تاني اسمه EhabElewely ،، جهازه لسة شاريه وخضني بالخبرية ان الرامات على اخرها وهو لسة جايبه

tamer2015

2013-12-05 (10:16:06PM)

SkyWarrior
انا هو ذات الشخص الذى تتحدث عنة انت ههههههههههههه بس الحمدلله ياريس المشكلة اتحلت الله يباركلة هارد حلها لكل الناس

samunggalaxynote3

2013-12-05 (09:52:05PM)

الله ينور يا هارد .. بس معلش سؤال انا الرام معايا مبتنزلش عن 1.26 عمرها وانا قافل كل notification و قافل الاضاءه ع الاخر و ماسح كل ال active prog. .... ايه بقى 950 دى :D :D

thelord

2013-12-05 (09:14:07PM)

النوت بيسخن اكتر من 38 درجه بس مش بتبان مش عارف ازاي بس بيسخن جامد اكتر منالs3 لما كان بيجيب فوق 45 بس مش بتظهر في النوت

menarenoo

2013-12-05 (08:54:37PM)

الله يتور عليك يا هارد موضوع جميل وانت قولت كل الي ممكن يتقال وديما نستفاد منك يا معلم

SkyWarrior

2013-12-05 (07:09:24PM)

هههههه في أخ هنا في الصفحة برضو خضني إنه لسة جايب الجهاز جديد ومنزلش اي برنامج ولقى الرامات سكرانة برضو معاه

بس موضوع روعة وان شاء الله الكل يستفيد منه ،، حطه عندك في البروفايل :)

princehamed

2013-12-05 (06:51:48PM)

انا واحد برضه من الناس اللى كانت بتشتكى من الرامات العالية والحمد لله حلهالى هارد بجد مش عارف اشكره ازاى على المعلومات اللى ادهالى بجد انسان محترم اووووووى

Mahmoud Samir

2013-12-05 (05:58:27PM)

تعليق ممتاز ياصاحبي وف تقدم مسمتر

ranaaly

2013-12-05 (05:41:31PM)

اظن كدة هارد ماسبش فرصة لاى حد انه يعيب في الموبايل دة سكتنى انا شخصيا :D زى ماهو بيقنع كل واحد يدخل الصفحة دى انه يشترى الموبايل بيجبره برده انه مايعبش فيه و يتمسك و بيثبت ان الموبايل دة يستاهل كل جنيه ادفع فيه :)

Hard time ربنا يخليك للصفحة و للموبايل ^_^

mob4me

2013-12-05 (05:19:30PM)

الله ينور يا هارد تقرير ممتاز واتمني ان الجميع يستفيد منه

tamer2015

2013-12-05 (04:46:32PM)

Sonmez
بتحصل كتيييير وﻻ يهمك ههههههههههههههه

Sonmez

2013-12-05 (04:27:55PM)

معلش لو كان في كلام طلع ملخبط شوية لانى كنت بكتب وانا راكب اتوبيس الشركة ويمكن دة من المطبات اللي كان بياخدها السواق ربنا يتوب علينا ويصلح حال البلد دى.

شكرا ليكم جدااااااااااااااااااااااااااااااااااااااااااااااااااااااااااااااااااااااااااااااااااااااااااااااا

وطبعا شكرا اوووووووووووووووووووووووووووووووووووي للاخ هارد علي مساعدتة لينا

tamer2015

2013-12-05 (03:32:48PM)

موضوع رائع ومتميز واحب اقول لكل الناس انا واحد من اللى اشتكو من موضوع الرمات العالية وكنت رايح الضمان اودلهم الموبيل لكن كلمت اخوبا وحبيبى هارد واتكلمنا مع بعض فى اننا نوصل لحل المشكلو وهوىقام معايا ببعض الخطوات اللى زاكرها وكانت النتيجة حلوة جدا واتحلت مشكلة الرمات الزائدة عندى طبعا بشكر هارد جدا على مجهودة المتميز ودايما فى التالق يا عارد انك تعمل للخير وتساعد كل الناس ... بالتوفيق يا باشا

Sonmez

2013-12-05 (03:11:00PM)

أولا أحب أحيي الأخ هارد علي الكلام الرائع اللي قال
ثانيا انا والحمد لله ولا مشكلة من اللي اتصال حصلت معايا ولا تهييج ولا سخونية ولا الرامات اتملت مع العلم اني مشغل برامج كتير ولما بلعب وبشتغل ع الموبايل نص ساعة تقريبا أو اكتر شوية درجة الحرارة بتوصل ل 36 أو 36.5 مش اكتر من كدة والله العظيم عمرها معدل معايا ووصلت ل 37
وانا بقول تاني انا كاتب التعليق دة من الموبايل و شغال تمام والله العظيم والحمد لله

بجد بقول وربنا شاهد علي كلامي من واقع تجربتي للموبايل . الموبايل كويس جدا وبشكل الأخ هارد مرة تانية .
ومعلومة أخيرة أن الأخ هارد معاه النسخة الفور جي وانا معايا الثري جي ومحصلش معانا والحمد لله أي مشكلة من اللي اتقالت
وشكرااااااااااعععع للجميع وأعتذر على الاطالة

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy Note 3

مقارنة

Android
1080 x 1920 pixels, 5.7 inches (~386 ppi pixel density)
3G

2G / 3G
13 MP, 4...

مزيد من المعلومات

الموبايلات

تقرير نهائى عن النوت 3 وحل المشاكل اللى يعنى منها الناس

التسجيل بالموقع

دخول الاعضاء

معلومات سريعة عن Samsung Galaxy Note 3

Android

1080 x 1920 pixels, 5.7 inches (~386 ppi pixel density)

3G

13 MP, 4...